"ოსიმენი ბაიერნისთვის ხელმისაწვდომი აღარ არის, რადგან..", - რას წერს კლუბის ინსაიდერი?

Sky Sports-ის ჟურნალისტი და ბაიერნის ინსაიდერი ფლორიან პლეტენბერგი ვიქტორ ოსიმენის შესაძლო ტრანსფერზე წერს და აღნიშნავს, რომ ტრანსფერის ალბათობა მინიმუმამდეა დაყვანილი.

"ბაიერნის წარმომადგენლებსა და ვიქტორ ოსიმენს შორის კონტაქტი მას შემდეგ შემცირდა, რაც ნაპოლიმ ფეხბურთელის სანაცვლოდ 150 მილიონი ევრო მკაცრად მოითხოვა. ბაიერნი მზად არ არის, ახალ თავდამსხმელში 100 მილიონზე მეტი გადაიხადოს, ასე რომ ოსიმენი ბაიერნისთვის ამჟამად მიუწვდომელია", - წერს პლეტენბერგი.

ცნობისთვის, 24 წლის ნიგერიელმა ფორვარდმა ნაპოლის მაისური მიმდინარე სეზონში 33 შეხვედრაში მოირგო, სადაც თავის გამოჩენა 26 გოლითა და 5 საგოლე გადაცემით მოახერხა.