მოგეხსენებათ, მიუნხენის ბაიერნი გამოკვეთილი ცენტრალური ფორვარდის ძიებაშია, ბოლო პერიოდში გერმანული მედია რეკორდმაისტერის სახელს ვიქტორ ოსიმენის და კოლო მუანის გვარებს უკავშირებს.
ახალგაზრდა ფორვარდების ბაიერნში შესაძლო ტრანსფერზე კომენტარი ლეგენდარულმა გერმანელმა მოთამაშემ, ლოთარ მათეუსმაც გააკეთა.
"ორივე ტოპ კლასის ფორვარდია - პირადად მე ვფიქრობ, რომ ოსიმენი ბაიერნს საუკეთესოდ მოერგება. ამბობენ, რომ კოლო მუანი ული ჰიონესის სასურველი კანდიდატურაა, მაგრამ შესაძლოა ეს მხოლოდ გარედან ჩანს ასე და კლუბის შიგნით ყველაფერი სხვაგვარად გამოიყურება", - განაცხადა მათეუსმა.