"თუ ამ პოზიციებზე გავძლიერდებით, ეს 2 ტალანტი იჯარით უნდა გავუშვათ", - მათეუსი

მოგეხსენებათ, მიუნხენის ბაიერნში რაიან გრავენბერხი და მატის ტელი სათამაშო დროით უკმაყოფილონი არიან - ახალგაზრდა ფეხბურთელები იმედოვნებენ, რომ მომდევნო სეზონში გაცილებით მეტ წუთს მიიღებენ, ვიდრე ეს ამ სეზონში მოხდა.

ლეგენდარული გერმანელი ფეხბურთელი, ლოთარ მათეუსი მიიჩნევს, რომ თუ ბაიერნი ზაფხულში ამ პოზიციებზე გაძლიერდება, კლუბმა ახალგაზრდა ტალანტები იჯარის წესით სხვა კლუბში უნდა გაუშვან, რათა მეტი სათამაშო დრო მიიღონ და ფორმიდან არ ამოვარდნენ.

"თუ ბაიერნი ახალ თავდამსხმელს და ნახევარმცველს მოიყვანს, მაშინ კლუბმა მატის ტელი და რაიან გრავენბერხი იჯარით ახალ კლუბში უნდა გაუშვან, რათა მეტი სათამაშო დრო და პრაქტიკა მიიღონ", - განაცხადა მათეუსმა.