"ძალიან შემტევი გუნდია 2 თავდამსხმელით, ამიტომ..", - ტუხელის კომენტარი ვერდერთან მატჩის წინ

დღეს, ბუნდესლიგის 31-ე ტურის შეხვედრაში მიუნხენის ბაიერნი გასვლაზე ვერდერის ბრემენს დაუპირისპირდება.

მატჩამდე ერთი დღით ადრე გამართულ პრესკონფერენციაზე, ტომას ტუხელმა მეტოქე გუნდზე და შეხვედრის მნიშვნელობაზე ისაუბრა:

"ბრემენს ძალიან შემტევი ფორმაცია აქვს ორი თავდამსხმელით. მათ დინამიური გუნდი ჰყავთ და ამ სტადიონზე თამაში  ყოველთვის სასიამოვნოა.  ჩვენ მზად უნდა ვიყოთ ყველაფრისთვის და ჩვენი თამაში უნდა ვითამაშოთ - კონრტშეტევებზე დიდი სიფრთხილე გვმართებს.

გვსურს, რომ ხვალინდელ მატჩში დომინანტები ვიყოთ და იერიში პირდაპირ მეტოქის კარებზე მივიტანოთ. რაღაც უნდა შევთავაზოთ გულშემატკივრებს და ჩვენი თამაშის ტემპი გავზარდოთ", - განაცხადა ტუხელმა.