საქმეში არაბული კლუბებია - ბაიერნმა 1 მოთამაშის სანაცვლოდ შესაძლოა ძალიან დიდი თანხა მიიღოს

როგორც კლუბის ინსაიდერი და Sky Sports-ის ჟურნალისტი, ფლორიან პლეტენბერგი წერს, სადიო მანე კვლავ რჩება ბაიერნის ამ ზაფხულში დატოვების ერთ-ერთ მთავარ კანდიდატად.

კლუბში იმედი აქვთ, რომ სენეგალელი სათადარიგოთა მოთამაშედ დარჩენას არ ისურვებს და მის ტრანსფერში ბაიერნიც მიიღებს თანხას, ყოველივე ამას კი ისიც ემატება, რომ 31 წლის შემტევის ტრანსფერით საუდის არაბეთის გუნდები დაინტერესდნენ.

მოგეხსენებათ, არაბეთში ბოლო დროს არაერთი ვარსკვლავი წავიდა, თანაც ყველა მათგანს ადგილობრივმა კლუბებმა სარფიანი გარიგება შესთავაზეს, არ არის გამორიცხული მანეს ტრანსფერში ბაიერნმა ძალიან დიდი თანხა მიიღოს.

ცნობისთვის, სადიო მანესა და ბაიერნს შორის არსებულ კონტრაქტს ვადა 2025 წლის ზაფხულს გასდის.