მატის ტელის აგენტმა ინფორმაცია დაადასტურა - დატოვებს თუ არა 18 წლის შემტევი ბაიერნს?

მოგეხსენებათ, მიუნხენის ბაიერნში რაიან გრავენბერხი და მატის ტელი სათამაშო დროით უკმაყოფილონი არიან - ახალგაზრდა ფეხბურთელები იმედოვნებენ, რომ მომდევნო სეზონში გაცილებით მეტ წუთს მიიღებენ, ვიდრე ეს ამ სეზონში მოხდა.

მიუხედავად ამისა, 18 წლის მატის ტელის აგენტმა ფაქტიურად დაადასტურა, რომ მისი კლიენტი უახლოეს მომავალში არსად წასვლას არ აპირებს.

"ევროპის ბევრ კლუბს სურს ჰყავდეს მატისი და ისინი არ არიან პატარა კლუბები, მაგრამ ჩვენ უკვე ყველას ვაცნობეთ, რომ პრიორიტეტი ბაიერნში დარჩენაა.

კლუბს და გულშემატკივრებს ის უყვართ - ჩვენ გვინდა ერთად ავაშენოთ სიყვარულის ისტორია, რადგან ბაიერნი მსოფლიოში ერთ-ერთი საუკეთესო კლუბია.

თუ გინდა იყო ტოპ ფეხბურთელი, ტოპ კლუბში უნდა იასპარეზო. მატისს ნამდვილად სურს იყოს ერთ-ერთი საუკეთესო - ის სწრო ადგილას არის ამისათვის", - განაცხადა კამარამ.