ტომას ტუხელის პირველი კომენტარი ნაგელსმანის გერმანიის ნაკრებში დანიშვნის შემდეგ

მოგესხენებათ, ამიერიდან გერმანიის ეროვნულ ნაკრებს იულიან ნაგელსმანი გაწვრთნის.

აღნიშნულ ფაქტს ცოტა ხნის წინ ბაიერნის ამჟამინდელი მთავარი მწვრთნელი, ტომას ტუხელიც გამოეხმაურა და გერმანელებს გადაწყვეტილება მოუწონა.

"ნაგელსმანს აქვს იმის უნარი, რომ ნაკრებს უხელმძღვანელოს. რატომ არ უნდა იყოს მისი დანიშვნა კარგი იდეა? გერმანიის ფეხბურთის ფედერაციამ ასე გადაწყვიტა და ვფიქრობ, შეუძლიათ მომავალში მშვიდად და პოზიტიური განწყობით იყვნენ", - განაცხადა ტუხელმა.

შეგახსენებთ, რომ ნაგელსმანი ბაიერნმა კონტრაქტის ამოწურვამდე გაათავისუფლა და მისი ადგილი კლუბში სწორედ ტომას ტუხელმა დაიკავა.