ხვალ, გერმანიის თასზე მიუნხენის ბაიერნი სტუმრად პროისენ მიუნსტერს დაუპირისპირდება.
მატჩამდე ერთი დღით ადრე გამართულ პრესკონფერენციაზე ტომას ტუხელმა მეტოქეზე და ამ ტურნირზე საკუთარი გუნდის მიზნებზე ისაუბრა:
"ჩვენ მეტოქეს ვაფასებთ და ისევე ვემზადებით, როგორც სხვა ყველა მატჩის წინ. ვითამაშებთ ისე, როგორც ბაიერნი თამაშობს.
არ აქვს მნიშვნელობა თუ ვინ არის შენი მეტოქე - ჩვენ ფავორიტები ვართ, ეს მართალია და მხოლოდ მოგება გვსურს. ჩვენი მიზანი ბერლინში ჩასვლა და ფინალის მოგება, საამისოდ კი თამაშების მოგება უნდა გავაგრძელოთ", - განაცხადა ტუხელმა.