ბაიერნი პრემიერლიგის ტალანტს უმიზნებს

მიუნხენის "ბაიერნის" რადარზე ინგლისის პრემიერლიგაში მოასპარეზე ტალანტი გამოჩნდა.

ბრიტანული გამოცემების ინფორმაციით, "რეკორდმაისტერმა" თვალი "ევერტონის" ახალგაზრდა ფორვარდს, ენტონი გორდონს დაადგა.

18 წლის ფეხბურთელი ინგლისის ახალგაზრდული ნაკრების ლიდერია და ის ქვეყნის ერთ-ერთ საუკეთესო ტალანტად ითვლება.

გორდონის სატრანსფერო ფასს ამჟამად 1.5 მილიონი ევრო შეადგენს.