დორტმუნდი ბაიერნის სამიზნის გადაბირებას ცდილობს

მოგეხსენებათ, მიუნხენის "ბაიერნი" აქტიურად ეძებს ახალ მარჯვენა მცველს.

ბოლო დროს ვრცელდებოდა ინფორმაცია იმის შესახებ, რომ "რეკორდმაისტერის" მთავარი სამიზნე "ლაიფციგის" ახალგაზრდა ფეხბურთელი, ლუკაშ კლოსტერმანი გახლდათ. ბავარიელებს 23 წლის მცველისთვის ბრძოლაში სერიოზული კონკურენტი გამოუჩნდათ.

გერმანული Bild-ის ინფორმაციით, კლოსტერმანის დამატებით დორტმუნდის "ბორუსიაც" დაინტერესდა.

წყაროს ცნობით, ყვითლებს ახლა გაცილებით მეტი შანსი აქვთ ზემოხსენებული მოთამაშის დამატებით, ვიდრე "ბაიერნს". კლოსტერმანის სატრანსფერო ღირებულებას 35 მილიონი ევრო შეადგენს და "დორტმუნდი" ამ თანხის გადასახდელად მზადაა.