"ბაიერნი" კიმიხის ხელფასის შემცირებას აღარ ითხოვს – რა მოჰყვება?

„ბაიერნი“ აღარ ცდილობს იოზუა კიმიხის დარწმუნებას, რომ ხელფასი შეამციროს, რაც წელიწადში დაახლოებით 20 მილიონ ევროს შეადგენს. კლუბი სრულად აცნობიერებს, რომ კიმიხის მიმართ უკვე ბევრმა ტოპ-კლუბმა გამოხატა ინტერესი და ეს ფაქტი კიდევ უფრო ართულებს ამ საკითხს. ის არ აღმოჩნდა მზად ხელფასის შემცირებისთვის, განსაკუთრებით იმ პირობებში, როდესაც მომავალ წელს კონტრაქტის ვადა ეწურება და ის თავისუფალი აგენტი გახდება.

„ბაიერნი“ ახლა კონცენტრირებულია იმაზე, რომ ეს სიტუაცია არ გახდეს პრობლემური კლუბისთვის, რადგან მიუხედავად იმისა, რომ კიმიხი უმნიშვნელოვანესი ფეხბურთელია, მისმა წასვლამ კლუბს შესაძლოა დიდი დანაკარგი მოუტანოს. სხვა კლუბებთან მოლაპარაკების დაწყება იანვრიდან უკვე რეალურ საფრთხედ მიაჩნიათ, რადგან 1 იანვრიდან კიმიხს ექნება უფლება ოფიციალურად დაიწყოს მოლაპარაკებები სხვა გუნდებთან.

როგორც ჩანს, ფეხბურთელისთვის ახლა ყველაზე მნიშვნელოვანი პირადი ინტერესები და მომავალ კარიერაზე ფიქრი გახდა. მისი გადაწყვეტილება, რომ არ გაახანგრძლივოს კონტრაქტი ამ წლის ბოლომდე, დამატებით სტრესს აყენებს „ბაიერნს“, რადგან კლუბისთვის ახლა უკვე საჭირო იქნება ყველაზე საუკეთესო გზის შერჩევა, რათა შეინარჩუნოს გერმანელი ან შეამციროს მისი გადასვლის რისკი.