ულრაიხის ახალი როლი “ბაიერნში” - ერთგულება ფასდება!

სვენ ულრაიხი, რომელიც მიუნხენის “ბაიერნში” უკვე მრავალი წელია თამაშობს, ახალ კონტრაქტს მიიღებს, თუმცა მომდევნო სეზონში ის გუნდის მესამე მეკარედ მოიაზრება.

36 წლის ფეხბურთელი კლუბში კვლავაც დიდი პატივისცემით სარგებლობს, რაც მისი ერთგულების შედეგია. კლუბი მადლობას უხდის ულრაიხს და აფასებს მის წვლილს. გარდა ამისა, მისი წლიური ხელფასი, რომელიც დაახლოებით 2 მილიონ ევროს შეადგენს, კლუბისთვის ფინანსურად ნაკლებად რისკიანია.

რაც შეეხება მომდევნო სეზონის გეგმებს, მანუელ ნოიერი კვლავ პირველ მეკარედ დარჩება. კლუბი მიზნად ისახავს პერსპექტიული ახალგაზრდა მეკარის შეძენას, რომელიც ნოიერისგან ბევრს ისწავლის და მის შემცვლელად მომზადდება. ამ ეტაპზე ყველაზე რეალურ კანდიდატად კიოლნის იონას ურბიგი განიხილება.

ამავდროულად, დანიელ პერეცი, რომელიც ამჟამად “ბაიერნის” რიგებში იმყოფება, იჯარით სხვა კლუბში გადაბარგებას გეგმავს, რაც მას მუდმივი სათამაშო პრაქტიკის საშუალებას მისცემს და განვითარებისთვის ხელსაყრელ გარემოს შეუქმნის.