"ბაიერნის" და "ჩელსის" დიდი გაცვლა? - ტელი ლონდონში, ნკუნკუ მიუნხენში?

"ბაიერნის" 19 წლის ტალანტი მატიას ტელი ჩელსის ყურადღების ცენტრშია, რაც შესაძლოა კრისტოფერ ნკუნკუს მიუნხენში გადასვლას უკავშირდებოდეს.

ტელი, რომელიც 2022 წელს რენისგან 24 მილიონად შეუერთდა "ბაიერნს", კლუბის ისტორიაში ყველაზე ახალგაზრდა მეგოლე გახდა.

ტელმა ადრე "რეალის" ინტერესი უარყო და მიუნხენში დარჩენა არჩია, თუმცა ახლა ჩელსის სურს მისი დამატება, რაც სავარაუდოდ ნკუნკუსთან დაკავშირებული გაცვლის ნაწილია. გერმანული მედიის ინფორმაციით, ფეხბურთელსა და "ბაიერნს" შორის სიტყვიერი შეთანხმება უკვე მიღწეულია.

ჰარი კეინმა ტელი შეაქო და აღნიშნა, რომ მისი პროფესიონალიზმი და თავდაჯერებულობა შთამბეჭდავია. მიუხედავად ამისა, ტელის სათამაშო დრო ვენსენ კომპანის ხელმძღვანელობით შეზღუდულია.