სანეს ტრანსფერი ფაქტობრივად გამოირიცხა

ავტორიტეტული გამოცემა "Bild" იუწყება, რომ "ბაიერნმა" უკვე შეიმუშავა გეგმა, რომელსაც ზაფხულში განახორციელებს თუ სანეს ტრანსფერი ჩაიშალა.

გასული თვეების ერთ-ერთი ყველაზე დიდი სატრანსფერო საგა ნელ-ნელა დასასრულს უახლოვდება. ცოტა ხნის წინ, გერმანელმა აგენტი გამოიცვალა, მის ნაცვლად კი მიუნხენელებისთვის ლმობიერი პირი დანიშნა, მაგრამ მას მაინც აქვს პრობლემები "ბაიერნში" გადასვლასთან დაკავშირებით.

საქმე იმაშია, რომ "ბაიერნი" სანეზე უარს უკვე ორი სატრანსფერო ფანჯრის განმავლობაში ამბობს, რამაც გერმანელი ვინგერი გაანაწყენა. დიდი ალბათობით, ის "სიტის" მაინც დატოვებს, თუმცა შემდეგი გუნდი "რეკორდმაისტერი" იქნება თუ არა უკვე ბურუსითაა მოცული.

"Bild"-ის ინფორმაციით, მოვლენების განვითარების ამ სცენარით "ბაიერნი" ჰავარცსა და ვერნერზე გადაერთვება, ასევე კოუტინიოსა და პერისიჩის დატოვების შანსებიც გაიზრდება. შეგახსენებთ, რომ ვერნერის გამოსასყიდი თანხა 50 მილიონი ევროა, ხოლო კაი ჰავარცის 120 მილიონი.