ფლიკის მატჩისწინა პრესკონფერენცია

ბუნდესლიგის მე-20 ტურში მიუნხენის "ბაიერნი" "მაინცს" ესტუმრება.

"რეკორდმაისტერის" დამრიგებელმა მატჩისწინა პრესკონფერენციაზე სხვა თემებთან ერთად მოთამაშეებს შორის არსებულ კონფიქტზე ისაუბრა.

"ჩვენ ეს საკითხი გუნდურად განვიხილეთ და არ ვფიქრობ, რომ რაიმე დასჯის ხერხებს გამოვიყენებ. თუმცა, არ მსურს, რომ მსგავსი რამ კიდე მოხდეს გუნდში. მთავარია, რომ ლეონმა და ჟერომმა ურთიერთობა მალევე დაალაგეს."

"მიხარია, რომ კომანმა ვარჯიში განაახლა გუნდთან ერთად. დიდი ალბათობით, ის მომავალი კვირიდან შეძლებს თამაშს. ასევე ლუკას ერნანდესიც, რომელიც უკვე 10 დღეა რაც გუნდთან ერთად ვარჯიშობს."

"ნახევარდაცვის ხაზში 3 პოზიციაზე 7 ფეხბურთელი გვყავს. შესაბამისად, კონკურენცია დიდია, რაც მე მახარებს. ამჟამინდელი შემადგენლობით კმაყოფილი ვარ, გარდა ამისა, ტრავმირებული მოთამაშეები გვიბრუნდებიან." - აცხადებს ფლიკი.