ჩემპიონთა ლიგა ამერიკაში ანიელის ამბიციური გეგმა

ტურინის "იუვენტუსისა" და ევროპული კლუბების ასოციაციის პრეზიდენტს, ანდრეა ანიელის ამბიციური გეგმა აქვს.

მიმდინარე წლიდან ჩემპიონთა ლიგის საუკეთესო კლუბებმა შესაძლოა ახალ ტურნირში მიიღონ მონაწილეობა, რომელიც ამერიკის კონტინენტზე გაიმართება.

ევროპული გამოცემების ინფორმაციით, ანიელის სურს, რომ "ჩემპიონთა ლიგის გასვლითი ტურის" ტურნირი შექმნას, რომელიც ზაფხულში ა.შ.შ.-ში ჩატარდება და მასში ევროპის 16 საუკეთესო გუნდი მიიღებს მონაწილეობას.

ნავარაუდევია, რომ ამ ტურნირმა კონკურენცია უნდა გაუწიოს ჩინეთში ჩასატარებელ მსოფლიოს საკლუბო ჩემპიონატს, რომელიც განახლებული ფორმატითა და 24 გუნდით პირველად 2021 წელს გაიმართება.

ჯერ-ჯერობით უცნობია, რამდენად დაუჭერენ მხარს "იუვენტუსის" მფლობელს სხვა ევროპული გრანდები.