ლაიფციგიდან ლაიფციგამდე როდის დასრულდა ბაიერნის მატჩი უგოლოდ ბოლოს

დღეს ბუნდესლიგის 21-ე ტურში ლიდერი მიუნხენის "ბაიერნი" მეორეადგილოსან "ლაიფციგს" დაუპირისპირდა.

გუნდების შეტევითი პოტენციალის გათვალისწინებით ფანები უხვგოლიან შეხვედრას ელოდნენ, თუმცა, საბოლოოდ მატჩი უგოლო ფრით დასრულდა.

აღსანიშნავია, რომ უკანასკნელად "რეკორდმაისტერის" მატჩში ანგარიში 0:0 ასევე "ლაიფციგთან" თამაშში დაფიქსირდა.

კერძოდ, ეს გახლავთ გასული სეზონის 33-ე ტურში, 11 მაისს "რედ ბულ არენაზე" გამართულ შეხვედრა. როგორც ჩანს, გუნდები ერთმანეთს საკმაოდ უფრთხიან და დაცვაში დიდი ყურადღებით თამაშობენ.