მორიგი ლეგენდის დაბრუნება ბაიერნში ჰანს ფლიკი სამწვრთნელო შტაბს ავსებს

მიუნხენის "ბაიერნის" რიგებში გერმანული ფეხბურთის კიდევ ერთი ლეგენდა ბრუნდება.

გერმანული გამოცემა Bild-ის ინფორმაციით, ჰანს ფლიკი თავისი ასისტენტის თანამდებობაზე აქტიურად განიხილავს მიროსლავ კლოზეს პოზიციას.

წყაროს ცნობით, ჯერ-ჯერობით საბოლოო გადაწყვეტილება არაა მიღებული, თუმცა, ძალიან დიდი შანსია იმის, რომ მომავალი სეზონიდან ვეტერანი ფეხბურთელი "ბაიერნის" მეორე მწვრთნელი გახდეს.

შეგახსენებთ, რომ კლოზე "რეკორდმაისტერის" ღირსებას 2007-11 წლებში იცავდა. მას ეკუთვნის მსოფლიოს ჩემპიონატების რეკორდი. გერმანიის ეროვნული ნაკრების შემადგენლობაში მუნდიალებზე 15 გოლის გატანა მოახერხა, მსგავსი შედეგი კი ისტორიაში არცერთ მოთამაშეს არ დაუფიქსირებია.