ბუნდესლიგის მატჩები შესაძლოა ნიღბებით ჩატარდეს

გერმანიის ფეხბურთის ფედერაციამ ბუნდესლიგის განახლების შესახებ გერმანიის მთავრობას ოფიციალურად მიმართა. 9 მაისს ფედერაციულ რესპუბლიკაში ჩემპიონატის განახლებას აპირებენ.

მომზადდება სპეციალური სამგვერდიანი დოკუმენტი, რომელშიც ზუსტად იქნება გაწერილი, რა სახით განახლდება ჩემპიონატის მატჩები.

ფეხბურთელები მოედანზე ნიღბებით გავლენ. ეს იქნება სპეციალური ნიღაბი, რომელიც სახიდან მოთამაშეს არც სირბილისას, არც დარტყმისას და არც საჰაერო დუელისას არ უნდა ჩამოუსრიალდეს, ნიღბებზე ხელით შეხება იკრძალება.

თუ ფეხბურთელს ნიღაბი ჩამოუვარდება, მატჩი შეჩერდება, ასე კი შეხვედრა შეიძლება ძალიან ხშირად გაჩერდეს, რათა მოთამაშეებმა ნიღბები გამოიცვალონ.

აკრძალული იქნება გატანილი გოლის აღნიშვნა.