ბაიერნს სანესთან დაკავშირებით ახალი გეგმები აქვს

გუშინ გერმანულმა გამოცემებმა გაავრცელეს ინფორმაცია, რომლის თანახმადაც მიუნხენის "ბაიერნის" მთავარი მწვრთნელი, ჰანს ფლიკი ლეროი სანეს ესაუბრა და მომავლის გეგმები განიხილა.

როგორც ჩანს, ამ დიალოგის შემდეგ 55 წლის სპეციალისტი დარწმუნდა ახალგაზრდა გერმანელის ტრანსფერის აუცილებლობაში და საბოლოოდ გადაწყვიტა მისი შეძენა.

გერმანული გამოცემა Bild-ის ინფორმაციით, "რეკორდმაისტერი" მზადაა "სიტისთან" მოლაპარაკებების გასანახლებლად. ამჯერად მიუნხენური გრანდი 24 წლის ვინგერის ფასის დაგდებას ეცდება.

წყაროს ცნობით, "ქალაქელები" სანეს 85 მილიონ ევროდ აფასებენ. "ბაიერნი" კი შეეცდება, რომ სანეს ღირებულება 70 მილიონამდე ჩამოიყვანოს.