BILD ბაიერნის გეგმები ზაფხულის სატრანსფერო ფანჯრის დროს ცნობილია
გერმანული გამოცემა Bild მიუნხენის "ბაიერნის" ზაფხულის სავარაუდო ტრანსფერებზე აქვეყნებს ინფორმაციას.
წყაროს ცნობით, "რეკორდმაისტერი" მომავალი სატრანსფერო ფანჯრის განმავლობაში დიდ აქტიურობას არ გეგმავს და სულ 2 დანამატით შემოიფარგლება.
პირველ რიგში გუნდი ლეროი სანეს შეიძენს. მისი ტრანსფერი, ფაქტობრივად, მოგვარებულია და პირადი კონტრაქტის დეტალებიც შეთანხმებულია. ახლა ჯერი "მანჩესტერ სიტიზეა". კლუბებს შორის ფასზე შეთანხმების შემდგომ სანე საბოლოოდ გადმობარგდება მიუნხენში.
გარდა ამისა, "ბაიერნი" ზაფხულში ერთ მარჯვენა მცველს დაიმატებს. ამ პოზიციაზე კლუბს არაერთი კანდიდატი ჰყავს შერჩეული, მათ შორის ნელსონ სემედო და სერჟინიო დესტი. დიდი ალბათობით, "რეკორდმაისტერი" სწორედ ამ ორს შორის გააკეთებს საბოლოო არჩევანს.
ინფორმაცია
ჯგუფ {group}-ის წევრებს არ აქვთ კომენტარის დატოვების უფლება.
ჯგუფ {group}-ის წევრებს არ აქვთ კომენტარის დატოვების უფლება.
სხვა სიახლეები
- ბომბარდირები
- ასისტენტები
- ბარათები
