კოვაჩი ბაიერნმა თავისი კუთვნილი პოზიცია დაიბრუნა

მიუნხენის "ბაიერნის" მთავარი მწვრთნელი, ნიკო კოვაჩი, "ვოლფსბურგთან" ბრწყინვალე გამარჯვებით ძალიან კმაყოფილი დარჩა.

"ჩემს გუნდს დღეს ძალიან კარგი დღე ჰქონდა. ასეთი ანგარიშით მოგება დავიმსახურეთ.

ახლა ვართ ზუსტად იქ, სადაც გვინდა, რომ ვიყოთ - სატურნირო ცხრილის მწვერვალზე. ახლა კი ამ პოზიციის შენარჩუნება გვინდა", - განაცხადა კოვაჩმა.

გერმანიის ბუნდესლიგის 25-ე ტურში მიუნხენელებმა შინ "ვოლფსბურგი" 6:0 გაანადგურეს და დორტმუნდის "ბორუსიას" ბურთების სხვაობით გადაასწრეს.

"ბაიერნი" და "ბორუსია" სატურნირო ცხრილს 57-57 ქულით ლიდერობენ, მაგრამ ახლა წინ "რეკორდმაისტერია".