მიუნხენის "ბაიერნის" მთავარმა მწვრთნელმა, ჰანს ფლიკმა "ლევერკუზენთან" მატჩისწინა პრესკონფერენციაზე საინტერესო განცხადება გააკეთა.
"ამჟამად ჩემი მთავარი საფიქრალი არა ბუნდესლიგის ტიტული, არამედ ხვალინდელი მატჩია. წინ ჯერ კიდევ არაერთი ტურია დარჩენილი."
"ხვალ ტიაგო ალკანტარა შემადგენლობას დაუბრუნდება, რაც სასიხარულოა. რაც შეეხება ბრაიტ არეი მბაის, ის ჩვენთან ერთად დოჰაშიც იყო და გუნდის წევრია. მას ჯერ კიდევ სკოლაც დასამთავრებელი აქვს და მთელი გუნდი გვერდით ვუდგავართ."
"ვიცი, რომ დეივის უკვე დიდი ხანია, რაც გადაბმულად ატარებს შეხვედრებს და დასვენება სჭირდება. ის ფიზიკურად ძალიან კარგ კონდინციებშია და იცის, რა არის მისთვის უკეთესი."
"ჩემს გუნდში ერთი რამ მაღიზიანებს. ხანდახან ბურთს მარტივად ვკარგავთ და ეს კომპონენტი აუცილებლად უნდა გამოვასწოროთ." - აცხადებს ფლიკი.