ლევანდოვსკიმ ახალი პირადი რეკორდი დაამყარა

ბუნდესლიგის 30-ე ტურის მატჩში "ბაიერნმა" ლევერკუზენის "ბაიერს" 2:4 სძლია და საჩემპიონო ტიტულისკენ კიდევ ერთი ნაბიჯი გადადგა.

გამარჯვებაში თავისი წვლილი შეიტანა "რეკორდმაისტერის" ლიდერმა, რობერტ ლევანდოვსკიმ, რომელმაც თომას მიულერის გადაცემას თავი ზუსტად დაუხვედრა გუნდის მეოთხე გოლი გაიტანა.

აღსანიშნავია, რომ ამ გოლის წყალობით პოლონელმა თავდამსხმელმა თავისი პირადი რეკორდი გააუმჯობესა. კერძოდ, მიმდინარე სეზონში ჩატარებულ 38 შეხვედრაში ლევანდოვსკის უკვე 44 გოლი აქვს გატანილი და მსგავსი შედეგი მას არცერთ სეზონში არ ჰქონია.

აქამდე საუკეთესო შედეგი 2016/17 წლების სეზონში ჰქონდა, რომდესაც პოლონელმა მეტოქეთა კარი 47 შეხვედრაში 43-ჯერ დალაშქრა.