ლევერკუზენისა და ბაიერნის შეხვედრაში ისტორიული ფაქტი დაფიქსირდა

ლევერკუზენის "ბაიერისა" და მიუნხენის "ბაიერნის" დაპირისპირებაში ისტორიული ფაქტი დაფიქსირდა.

კერძოდ, მეორე ტაიმის მიწურულს, 89-ე წუთზე მასპინძელთა მხრიდან შეცვლაზე შემოსულმა ფლორიან ვირცმა გოლის გატანა მოახერხა, რითაც ის ბუნდესლიგის ისტორიაში ყველაზე ახალგაზრდა გოლის ავტორი გახდა.

ფლორიან სულ რაღაც 17 წლისა და 34 დღის გახლავთ, აქამდე კი აღნიშნული რეკორდი ნური შაჰის ეკუთვნოდა, რომელმაც 2005 წელს 17 წლისა და 82 დღის ასაკში შეძლო მეტოქის კარის დალაშქვრა.

შეგახსენებთ, რომ "რეკორდმაისტერმა" აღნიშნულ მატჩში 2:4 იმარჯვა და ტიტულის ოფიციალურად გასაფორმებლად მხოლოდ 2 გამარჯვება სჭირდებათ.