კინგსლი კომანის საოცარი მიღწევა შიდა ჩემპიონატებში

ბუნდესლიგის დასრულებამდე 4 ტური არის დარჩენილი და მიუნხენის "ბაიერნს" მხოლოდ 2 გამარჯვება სჭირდება, რათა ოფიციალურად გაინაღდოს ჩემპიონის ტიტული.

რაც შეეხება "რეკორდმაისტერის" ფრანგ ლეგიონერს, კინგსლი კომანს, შეიძლება ითქვას, რომ ის შიდა ჩემპიონატების ნამდვილ დამპყრობელად ჩამოყალიბდა.

კერძოდ, კომანს კარიერაში ჩატარებულ 7 სეზონში 7 (!!!) შიდა ჩემპიონატი აქვს მოგებული და კიდევ ერთი ბუნდესლიგის ტიტული მისთვის მერვე იქნება. თანაც ის ამჟამად მხოლოდ 23 წლისაა.

კომანის ბრწყინვალე სვლა 2012/13 წლების ლიგა 1-ის ტიტულით დაიწყო. პარიზში ზედიზედ ორი ტრიუმფის შემდეგ ის "იუვენტუსს" შეუერთდა და სერია ა-ს ტიტულიც გამოაცხო. ახლა კი "ბაიერნში" ზედიზედ მეხუთე ბუნდესლიგის აღსანიშნად ემზადება.