მიულერი ხალხმა ჩემი სიტყვები არასწორად გაიგო

მიულერის მიერ სატრანსფერო თემაზე გაკეთებულ კომენტარს დიდი აჟიოტაჟი მოჰყვა, რის გამოც ვეტერან ფეხბურთელს ამ თემაზე განმარტების გაკეთებაც მოუწია.

"ჩემი სიტყვები მედიამ ზედმეტად გააბუქა და არასწორად წარმოაჩინა. "ბაიერნში" არ არის საჭირო ხელფასების შემცირება, რათა ტრანსფერები გაკეთდეს. ეს სხვა მიზეზით მოხდა, იმისთვის, რომ ყველა თანამშრომელმა მიიღოს კუთვნილი თანხა."

"ჩემი განცხადება კი ზოგმა ისე აღიქვა, თითქოს ახალი ტრანსფერები არ მინდა. რა თქმა უნდა, ძალიან მსურს, რომ საუკეთესო შემადგენლობა გვყავდეს და კიდევ შევძლო ჩემპიონთა ლიგის მოგება."

"თუმცა, მედია ტოპ ტრანსფერებს ისე წარმოაჩენს, თითქოს ის თითის ერთი გატკაცუნებით ხდებოდეს. 50-100 მილიონიანი ტრანსფერები ასე მარტივად არ ხდება, განსაკუთრებით კი მძიმე ეკონომიკური მდგომარეობის დროს." - აცხადებს მიულერი.