მიუნხენის "ბაიერნის" მთავარმა მწვრთნელმა, ჰანს ფლიკმა ბუნდესლიგის მოგების შემდეგ პირველი განცხადება გააკეთა.
"პირველი ნაბიჯები უკვე გადავდგით და პირველი დიდი მიზანი შევასრულეთ. ახლა შემდეგი მიზანი გერმანიის თასის მოგებაა და რა თქმა უნდა, საბოლოოდ ჩემპიონთა ლიგით დაგვირგვინება."
"რა თქმა უნდა, ეს ყველაფერი მარტივი არ იქნება. ჩვენ მაქსიმალურად მზად უნდა ვიყოთ ყველა იმ სირთულისთვის, რაც წინ გველოდება."
"წარმატებას მარტო ვერასდროს მიაღწევ, ის გუნდურად მოდის და პროცესში ყველა ჩართულია. ჩვენი ეს წარმატებაც სწორედ გუნდის დამსახურებაა." - აცხადებს ფლიკი.