ოფიციალურად ბუნდესლიგა პირველმა კლუბმა დატოვა

გერმანიის ბუნდესლიგაში 32-ე ტური ძალიან დატვირთული გამოდგა. გარდა იმისა, რომ მიუნხენის "ბაიერნმა" ჩემპიონის ტიტული ოფიციალურად მოიპოვა, ლიგაში კიდევ ერთი მნიშვნელოვანი ფაქტი დაფიქსირდა.

კერძოდ, ბუნდესლიგა "პადერბორნმა" დატოვა. კლუბი გასულ ტურში ბერლინის "უნიონთან" 1:0 დამარცხდა და დარჩენის ყოველგვარი თეორიული შანსებიც საბოლოოდ დაკარგა.

უკვე ცნობილია, რომელი კლუბი დაიკავებს პადერბორნელების ადგილს. ეს "არმინია" გახლავთ, რომელმაც ბუნდესლიგა 2-ის ჩემპიონის ტიტული მოპოვა და გაისად საუკეთესო გერმანულ კლუბებთან ერთად ითამაშებს. დანარჩენ 2 გუნდის ვინაობას უახლოეს მომავალში გავიგებთ.