ბაიერნი პსჟს საუკეთესო ტალანტის ტრანსფერთან ახლოსაა

მიუნხენის "ბაიერნი" ფრანგული "პსჟს" ერთ-ერთი საუკეთესო ტალანტის, ტანგე კოიასის დამატებასთან ძალიან ახლოსაა.

გერმანული გამოცემა Bild-ის ინფორმაციით, "რეკორდმაისტერმა" უკვე მიაღწია შეთანხმებას 18 წლის ცენტრალურ მცველთან და სეზონის დასრულების შემდეგ ფეხბურთელი მიუნხენში გადმობარგდება.

წყაროს ცნობით, "პსჟს" კოიასის შენარჩუნება ძალიან სურდა, თუმცა, პროფესიონალური კონტრაქტის გაფორმება პარიზელებთან თავად ფეხბურთელმა იუარა.

როგორც ცნობილია, "ბაიერნს" 18 წლის მცველის სანაცვლოდ მხოლოდ 300 ათასი ევროს გადახდა მოუწევს, პარიზში გატარებული სავარჯიშო პერიოდის კომპენსაციის სახით. არადა, კოიასის სატრანსფერო ღირებულებად Transfermarkt-ზე 11 მილიონი ევრო მიიჩნევა.