გერმანიის ეროვნული ნაკრების მთავარმა მწვრთნელმა, იოახიმ ლიოვმა, ჰოლანდიის ეროვნულ გუნდთან სუპერ-მატჩის წინა პრესკონფერენციაზე ისაუბრა.
ლიოვმა დაასახელა ორი მოთამაშე, რომელიც დღეს საღამოს მოედანზე პირველივე წუთებიდან გავა.
"მანუელ ნოიერი და ტონი კროოსი ხვალინდელ მატჩს პირველივე წუთებიდან დაიწყებენ. ლეროი სანე და სერჟ გნაბრი ჯანმრთელად არიან და შესაძლოა ითამაშონ.
ტონი კროოსი წლების განმავლობაში არანორმალურად თანმიმდევრული და სტაბილური იყო, მუდმივად თამაშობდა. მცირე ჩავარდნა ამას ვერ შეცვლის.
ვარჯიშებზე ტონიმ ძალიან კარგი შთაბეჭდილება დატოვა. შესაძლოა მასზე "რეალში" მთავარი მწვრთნელის შეცვლა კარგად აისახა.
ჰოლანდიელებს საოცარი ქიმია აქვთ, ისინი ძალიან მოტივირებულები იქნებიან. თუმცა ჩვენ ყველაფერი გვაქვს, რომ კარგად ვიასპარეზოთ და ამისათვის ყველაფერს გავაკეთებთ", - განმარტა ლიოვმა.
"ბუნდესნაკრები" 2020 წლის ევროპის ჩემპიონატის შესარჩევ ეტაპს დღეს საღამოს იწყებს და პირველ მატჩს შესანიშნავ ფორმაში მყოფ ჰოლანდიასთან ამსტერდამში გამართავს.