ბაიერნი და რეალი ფრანგი ამომავალი ვარსკვლავისთვის იბრძვიან

ბოლო დროს აქტიურად იწერება იმის შესახებ, რომ მადრიდის "რეალი" სერიოზულად არის დაინტერესებული "რენის" ნახევარმცველის, ედუარდო კამავინგას დამატებით.

ფრანგული გამოცემა L,Equipe-ს ინფორმაციით, 17 წლის ფეხბურთელისთვის ბრძოლაში მიუნხენის "ბაიერნიც" ჩაერთო.

წყაროს ცნობით, "რეკორდმაისტერს" არ გამორჩენია ის პროგრესი, რაც ნახევარმცველმა მიმდინარე სეზონის განმავლობაში აჩვენა და მზადაა, რომ მის დასამატებლად ყველაფერი გააკეთოს.

თუმცა, ტრანსფერს ერთი მნიშვნელოვანი გარემოება აფერხებს. კამავინგას შეძენა პირადად ზიდანის მოთხოვნაა, რომელსაც ფეხბურთელთან ძალიან კარგი ურთიერთობა აქვს და არ არის გამორიცხული, ამის გამო მან სწორედ მადრიდში არჩიოს გადაბარგება.