ლევანდოვსკის ოქროს ბუცისთვის ბრძოლაში სერიოზული კონკურენტები გამოუჩნდა

ევროპის საუკეთესო ბომბარდირის ტიტულისთვის ბრძოლაში სერიოზული ბრძოლა არის გაჩაღებული.

ჩამონათვალში პირველ ადგილზე მიუნხენის "ბაიერნის" ლიდერი, რობერტ ლევანდოვსკი იმყოფება, რომელმაც ბუნდესლიგაში 34 გოლი გაიტანა და შესაბამისად 68 ქულა დააგროვა.

პოლონელის მთავარი კონკურენტები სერია ა-ში ასპარეზობენ, რომლის დასრულებამდეც 6 ტური არის დარჩენილი და შესაბამისად საუკეთესო ბომბარდირებს შედეგების გაუმჯობესების შანსი კვლავ აქვთ.

კერძოდ, საქმე ეხებათ ჩირო იმობილესა და კრისტიანო რონალდუს. იტალიელ ფორვარდს 29 გოლი აქვს და შესაბამისად, კიდევ 5 გოლის გატანის შემთხვევაში ის პოლონელს წამოეწევა. რაც შეეხება რონალდუს, მას ერთი გოლით ნაკლები აქვს შეგდებული თუმცა, თუ გავითვალისწინებთ იმ ფაქტს, რომ პორტუგალიელმა სერია ა-ს განახლების შემდეგ ყველა ტურში გაიტანა, არ არის გამორიცხული ოქროს ბუცი სწორედ მან ჩაიბაროს.