მოდრიჩმა ოქროს ბურთის ფავორიტად ბაიერნის ფეხბურთელი დაასახელა

მადრიდის „რეალის“ ნახევარმცველმა, ლუკა მოდრიჩმა, The Times-თან ინტერვიუში ოქროს ბურთის მოგების მთავარი კანდიდატი დაასახელა.

როგორც მოგეხსენებათ, 2020 წელს აღნიშნული ჯილდო არ გადაეცემა, თუმცა ხორვატმა მაინც დაასახელა ის მოთამაშე, რომელიც ამ ტიტულს მოიგებდა, რომ არა კორონავირუსი.

„სამწუხაროა, რომ კორონავირუსის პანდემიის გამო ის ფეხბურთელები, რომლებიც ტიტულისთვის იბრძოდნენ, დაიჩაგრნენ. რთულია რომელიმეს გამორჩევა, თუმცა ვფიქრობ, რომ 2020 წელს ოქროს ბურთის მოგების მთავარი კანდიდატი რობერტ ლევანდოვსკი იქნებოდა."-განაცხადა ლუკამ.