ფერგიუსონი ბაიერნი დიდებული კლუბია

მიუნხენის "ბაიერნის" ლეგენდების 5:0 განადგურების შემდეგ "მანჩესტერ იუნაიტედის" ცოცხალმა სიმბოლომ, სერ ალექს ფერგიუსონმა, "რეკორდმაისტერის" სტრუქტურა შეაქო.

"მიუნხენის "ბაიერნი" არის კლუბი, რომელიც საძირკველიდან იმართება. სათავეში კლუბის ლეგენდები და ყოფილი მოთამაშეები, ული ჰიონესი და კალე რუმენიგე, არიან.

ვფიქრობ, ისინი კლუბს სწორი მიმართულებით მართავენ და ამას შედეგებიც ადასტურებს - "ბაიერნი" ყოველ წელს გერმანიის ჩემპიონი ხდება", - განაცხადა 77 წლის შოტლანდიელმა.

დღეს "ოლდ ტრაფორდზე" 1999 წლის ჩემპიონთა ლიგის ლეგენდარული ფინალის 20 წლის იუბილის აღსანიშნავად "იუნაიტედისა" და "ბაიერნის" ლეგენდებმა ამხანაგური მატჩი გამართეს, რომელიც ინგლისელებმა 5:0 მოიგეს.

"მანჩესტერს" სათავეში ედგა ლეგენდარული სერ ალექსი, რომლის გუნდმაც 20 წლის წინ წაგებული ფინალი დამატებულ სამ წუთში შემოატრიალა - 2:1.