SportBild ბაიერნმა ხამესის თაობაზე გადაწყვეტილება მიიღო

მიუნხენის "ბაიერნის" ხელმძღვანელობა ხამეს როდრიგესის გამოსყიდვას არ აპირებს - იტყობინება "SportBild".

"რეკორდმაისტერის" ბოსებმა 27 წლის კოლუმბიელი ნახევარმცველის თაობაზე საბოლოო გადაწყვეტილება ივნისის დასაწყისში უნდა მიიღონ, მაგრამ წინასწარი ცნობები უკვე გავრცელდა.

ხამეს როდრიგესმა 2018/19 წლების სეზონში არც ისე კარგად იასპარეზა - ყველა ტურნირზე ერთად ჩატარებულ 28 თამაშში 7 გოლი გაიტანა და 4 ასისტი გააკეთა.

ხამესმა მიუნხენურ გრანდში ბოლო ორი სეზონი იჯარის წესით გაატარა და ივნისში მადრიდის "რეალს" დაუბრუნდება.