ოფიციალურად ხამესი კლუბს დატოვებს

მიუნხენის "ბაიერნმა" დღეს დაადასტურა, რომ კლუბი ხამეს როდრიგესს არ გამოისყიდის.

"პრინციპში, გადაწყვეტილება მიღებულია. მან პირადად მითხრა, რომ არ სურს კლუბმა გამოისყიდოს.

მას სურს, რომ ითამაშოს, ძირითადი შემადგენლობის მოთამაშე იყოს. აქ ამის გარანტიას ნამდვილად ვერ მივცემთ. ვწუხვარ ხამესის გამო", - განაცხადა "ბაიერნის" გენერალურმა დირექტორმა, კარლ-ჰაინც რუმენიგემ.

27 წლის კოლუმბიელი შემტევი "ბაიერნმა" 2017 წელს მადრიდის "რეალიდან" 2 წლიანი იჯარით დაიმატა.

გასული სეზონი ხამესს არ გამოუვიდა - როდრიგესმა ყველა ტურნირზე ერთად 28 თამაშში მხოლოდ 7 გოლი გაიტანა და 3 ასისტი გააკეთა.