ბაიერნმა სანეს ტრანსფერი უარჰყო

გერმანულ პრესაში ლეროი სანეს ტრანსფერზე გავრცელებულ ინფორმაციას მიუნხენის "ბაიერნი" გამოეხმაურა.

"Kicker-მა" გაავრცელა, რომ "რეკორდმაისტერის" ბოსებმა 23 წლის გერმანელისგან თანხმობა მიიღეს და უახლოეს მომავალში უკვე "მანჩესტერ სიტის" უნდა შეუთანხმდნენ სატრანსფერო ღირებულებაზე.

ინფორმაცია მალევე "Bild-მაც" დაადასტურა და სანეს კონტრაქტის დეტალებიც გაავრცელა.

თუმცა გერმანული გრანდის პრესსამსახური არცერთ ზემოთხსენებულ ინფორმაციას არ ადასტურებს: "ახლახანს გავრცელებული სიახლეები, რომ ლეროი სანე "ბაიერნს" შეუერთდა, რეალობას არ შეესაბამება", - ვკითხულობთ "ბაიერნის" ტვიტერის ოფიციალურ გვერდზე.