მას გიგანტური კარიერა ექნება მარსელომ ბაიერნის ტალანტი შეაქო

მადრიდის "რეალის" ლეგენდარულმა მარცხენა მცველმა, მარსელომ, მიუნხენის "ბაიერნის" ახალგაზრდა სუპერ-ტალანტი შეაქო.

"სამეფო კლუბის" ვეტერანი ბრაზილიელი უკანა ხაზელი "რეკორდმაისტერის" ახალწვეულით, იან-ფეტ არპით, მოიხიბლა.

"არპი კარგი მოთამაშეა, რომელსაც წინ გიგანტური კარიერა ელოდება. მომწონს ასეთი უშიშარი და თავხედი ტიპები მოედანზე", - განაცხადა 31 წლის ბრაზილიელმა.

იენ-ფეტ არპი და მარსელო ერთმანეთს სეზონისათვის მოსამზადებელ ეტაპზე შეხვდნენ - საერთაშორისო ჩემპიონთა თასზე მიუნხენურმა კლუბმა "რეალი" 3:1 დაამარცხა და არპი ძირითადში იყო.

19 წლის გერმანელი შემტევი "ბაიერნმა" ამ ზაფხულს "ჰამბურგიდან" 4 მილიონ ევროდ შეიძინა.