ლევანდოვსკი რობენისა და რიბერის გაცილებისას ლამის ვიტირე

მიუნხენის "ბაიერნის" ცენტრალურმა თავდამსხმელმა, რობერტ ლევანდოვსკიმ, ლეგენდარული ვინგერების გაცილება გაიხსენა.

"რიბერისა და რობენის გაცილება ? ამ კლუბში ასეთი პატივის და სახელის მოპოვება ჩემი ოცნებაა. უნდა ვაღიარო, რომ როდესაც მათ დავემშვიდობე, თვალებზე ცრემლები მომადგა.

ნიკო კოვაჩთან ერთად განვითარებას ვაგრძელებ. ჩვენ ყოველი მატჩისთვის მომზადების დროს რაღაც ახალს ვცდით, გვაქვს სპეციფიკური ვარჯიშები შემტევებისთვის, რის გამოც მოხარული ვარ.

ვფიქრობ, "ბაიერნმა" სატრანსფერო ბაზარზე კარგი სამუშაო შეასრულა და ბედნიერები უნდა ვიყოთ ასეთი ძლიერი გუნდით", - განაცხადა 31 წლის პოლონელმა.

ფრანკ რიბერიმ და არიენ რობენმა, რომელთაც მიუნხენურ გრანდში ათწლეულიანი ეპოქა შექმნეს, "ბაიერნი" ამ ზაფხულს ერთად დატოვეს.

რობერტ ლევანდოვსკიმ მიუნხენურ კლუბთან მოქმედი კონტრაქტი ზაფხულში 2023 წლამდე გაახანგრძლივა.