ფიორენტინას მფლობელი რიბერი რონალდუზე უკეთესია

"ფიორენტინას" პრეზიდენტმა, როკო კომისომ, ტურინის "იუვენტუსთან" შეხვედრის შემდეგ საკმაოდ ხმამაღალი განცხადება გააკეთა.

"ხედავთ ფრანკ რიბერის 36 წლის ასაკში ? ის უკეთესია, ვიდრე რონალდუ!", - მოკლედ აღნიშნა კომისომ.

ლეგენდარული ფრანგი გარემარბი, რომელიც მიუნხენის "ბაიერნის" ღირსებას 12 წელი იცავდა, მიუნხენიდან წასვლის შემდეგ ამ ზაფხულს სწორედ ფლორენციულ კლუბს შეუერთდა.

გასულ უქმეებზე, იტალიის სერია ა-ს მესამე ტურის ეგიდით, "ფიორენტინამ" შინ "იუვეს" უმასპინძლა და მატჩი ფრედ 0:0 დასრულდა.

ფრანკ რიბერიმ შეხვედრა ძირითადში დაიწყო და მოედანზე 69 წუთი დაჰყო.