ბაიერნმა უნიონ ბერლინი დაამარცხა და პირველობა დაიბრუნა

ზედიზედ ორი წარუმატებელი ტურის შემდეგ მიუნხენის "ბაიერნმა" საკუთარ მოედანზე ახალწვეული "უნიონ ბერლინი" 2:1 დაამარცხა და ბუნდესლიგას კვლავ სათავეში ჩაუდგა.

ნიკო კოვაჩმა საკმაოდ თამამი შემადგენლობა აირჩია და ერთბაშად 5 შემტევით დაიწყო: კოუტინიო, მიულერი, კომანი, პერიშიჩი და ლევანდოვსკი.

მიუნხენელებმა მალევე გახსნეს ანგარიში - მეკარის არადამაჯერებელი თამაშით ბენჟამენ პავარმა ისარგებლა და ძლიერი დარტყმით დააწიანურა საკუთარი გუნდი.

პირველ ტაიმში მეტი არაფერი მომხდარა, მეორე ნახევარი კი უფრო მხიარული გამოდგა. 53-ე წუთზე რობერტ ლევანდოვსკიმ გაიტანა თავისი მორიგი გოლი, რასაც მანუელ ნოიერის მოგერიებული პენალტი მოჰყვა.

მატჩის მიწურულს "უნიონმა" მეორე პენალტიც მოიპოვა და ამჯერად ნოიერმა გუნდი ვერ იხსნა - 2:1!

"რეკორდმაისტერმა" 9 ტურის შემდეგ 18 ქულა დააგროვა და პირველ პოზიციაზე გადაინაცვლა.