მაურიციო პოჩეტინო კოვაჩის შემცვლელად

"ბაიერნი" ბოლო თამაშებში არ იყო სასურველ ფორმაში, რის გამოც ფანები კოვაჩის შეცვლას ითხოვენ.

პრესა ბოლო რამდენიმე კვირის განმავლობაში რალფ რანგნიკის მოყვანას სპეკულირებდა, მაგრამ გერმანული გამოცემა, "Sport 1," იტყობინება, რომ "რეკორდმაისტერსა" და გერმანელს შორის კონტაქტი არ შემდგარა.

ამის საპირისპიროდ, "ბაიერნის" ტრანსფერის შეფმა, ჰასან სალიჰამიჯიჩმა, მაურიციო პოჩეტინოს მოყვანაზე ისაუბრა.

"მაურიციო მიმაჩნია მსოფლიოს ერთ-ერთ საუკეთესო მწვრთნელად, რომელსაც შეუძლია "ბაიერნის" თამაშის გაუმჯობესება," - ამბობს 48 წლის ბოსნია-ჰერცოგოვინელი.

შეგახსენებთ, რომ პოჩეტინოს მიერ გაწვრთნილი გუნდი, "ტოტენჰემი," კრიზისში იმყოფება, მეტიც, ჩემპიონთა ლიგაზე მიუნხენელებმა მაურიციოს შეგირდები ანგარიშით - 7:2 დაამარცხეს. სწორედ ამიტომ ჰასან სალიჰამიჯიჩის განცხადებამ "ბაიერნის" ქომაგებში მოულოდნელობა გამოწვია.