კოუტინიოს ტრანსფერის თაობაზე ახალი დეტალები ხდება ცნობილი

ფილიპე კოუტინიოს ბოლოდროინდელი ფორმიდან გამომდინარე ხშირია საუბრები იმის შესახებ, რომ "რეკორდმაისტერი" მის გუნდში დატოვებას შეეცდება.

გერმანული გამოცემების ინფორმაციით, მიუნხენურ გრანდში დარჩენის სურვილი თავად 27 წლის ნახევარმცველმაც გამოთქვა. სწორედ ამიტომ, მის ტრანსფერს "ბარსელონა" ხელს შეუწყობს.

კერძოდ, საქმე იმაში მდგომარეობს, რომ "ბლაუგრანა" მზადაა კოუტინიოს კონტრაქტში ცვლილებები შეიტანოს და გამოსასყიდი ფასი საგრძნობლად შეამციროს.

მოგეხსენებათ, ფეხბურთელი "ბაიერნის" ღირსებას ერთწლიანი იჯარით იცავს და კლუბს მისი გამოსყიდვა 120 მილიონ ევროდ შეუძლია. თუმაც, "რეკორდმაისტერი" კოუტინიოს დამატებას რეალურად ეცდება, მაშინ ესპანელები ზემოხსენებულ ფასს დააკლებენ.