“რუდიგერმა ეროვნული ნაკრების ფასეულობები ფეხქვეშ გათელა” - ლეგენდის მძიმე შეფასება

ლოთარ მათეუსი რუდიგერის მოქმედებებზე ბარსელონასთან მატჩის შემდეგ:

“ანტონიო რუდიგერის საქციელი აბსოლუტურად მიუღებელი იყო, მსგავსი რამ არასოდეს მინახავს. რუდიგერი უკვე არაერთხელ გამოსულა პროვოკაციებით, მაგრამ ბარსელონას წინააღმდეგ ქცევა იყო უკანასკნელი წვეთი. ვფიქრობ, მის ქმედებებს აუცილებლად უნდა მოჰყვეს შედეგი, მათ შორის ეროვნული ნაკრების შიგნითაც, მიუხედავად იმისა, რამდენად მნიშვნელოვანია ის გუნდისთვის სპორტული თვალსაზრისით. ეს არ უნდა დარჩეს მხოლოდ საუბრის დონეზე — საჭიროა შესაბამისი რეაგირება.

რუდიგერი დამსახურებულად ატარებს გერმანიის ნაკრების მაისურს კლუბში ნაჩვენები თამაშით, მაგრამ მან ასევე უნდა იცოდეს, როგორ უნდა იქცეოდეს. ბევრი გულშემატკივრისა და ბავშვისთვის ასეთი მოთამაშეები მისაბაძი მაგალითებია. ის ეროვნული გუნდის ვიცე-კაპიტანია და შესაბამისად, კიდევ უფრო დიდი მაგალითია სხვებისთვის. ფეხბურთი მხოლოდ სპორტული ღირებულებები არ არის — არსებობს სხვა ფასეულობებიც, რომლებსაც რუდიგერმა ფეხით გადაუარა.”