ბაიერნი როდრიგოს ფრთაზე გააქტიურდა - რეალის ფასის გაზრდას აპირებს?

მუსიალას ხანგრძლივ ტრავმამდე მიუნხენის ბაიერნი ერთი შემტევის დამატებას ისედაც აპირებდა, თუმცა ჯამალის გამოკლების შემდეგ ამის გაკეთება უკვე სასიცოცხლოდ მნიშვნელოვანი გახდა.

როგორც იცით, ახალი სეზონიდან გუნდს ტოვებს ტომას მიულერი და გარდა ამისა, უცნობია თუ რამდენად დარჩება კლუბში კინგსლი კომანი. ამის პარალელურად, ბაიერნი გარემარბების ვრცელ სიას ადგენს, რათა ახალი სეზონისთვის არსებული დანაკლისი შეივსოს.

ბოლო დღეებში ყველასგან გამოიკვეთა მადრიდის რეალის ბრაზილიელი შემტევი, როდრიგო გოეში. Defensa Central-მა დაწერა, რომ ბაიერნის ხელმძღვანელობა მზადაა რეალს 65 მილიონი ევრო შესთავაზოს, თუმცა ფლორენტინო პერესი ამ წინადადების მიღებას არ აპირებს.

გამოცემის მტკიცებით, რეალის პრეზიდენტი 100 მილიონ ევროზე ნაკლებად ფეხბურთელს არ გაუშვებს და გამოდის, რომ ბაიერნი ამ შემთხვევაშიც გახლართვის გზას ადგას.