გნაბრი და რიბერი ერთ ხელფასზე - ბაიერნის გიჟური სახელფასო პოლიტიკა

მიუნხენის ბაიერნს ბევრი მომჩივანი ჰყავს იმის გამო, რომ ნაკლებად პროდუქტიული ფეხბურთელების ანაზღაურებაში კლუბი ძალიან ბევრს ხარჯავს, რაც, ობიექტურად თუ ვიტყვით, სრული სიმართლეა.

მაგალითისთვის, 2025 წლის მონაცემებით სერჟ გნაბრი ბაიერნში წლიურად 19 მილიონ ევრომდე შოულობს, არადა საამისოს ფეხბურთელი პრაქტიკულად არაფერს აკეთებს.

უკეთესი ილუსტრაციისთვის იმასაც გეტყვით, რომ ფრანკ რიბერი ბაიერნში დაახლოებით 18 მილიონ ევროს იღებდა, ანუ უფრო ცოტას, ვიდრე სერჟ გნაბრი, რაც სრული სიგიჟეა.

ცხადია, ინფლაციის ფაქტორი მოქმედებს, თუმცა რიბერისა და გნაბრის ხარისხის მქონე ფეხბურთელებისთვის თითქმის ერთნაირი ხელფასების დარიგება კლუბის სახელფასო პოლიტიკაზე კარგად ნამდვილად არ მეტყველებს.