93 მილიონი ლივერპულს - რას ამზადებს საბოლოოდ ბაიერნი დიასისთვის

ლივერპულმა ლუის დიასის თაობაზე ბაიერნის ორი წინადადება უკვე დაბლოკა, თუმცა კლუბმა ახლახანს უგო ეკიტიკე დაიმატა და ნაკლებად სავარაუდოა, რომ კოლუმბიელს ისევ ძველებურად ჩაეჭიდოს.

ახლახანს ვრცელდება ინფორმაცია იმის შესახებ, რომ გერმანელები ლივერპულს დიასის სანაცვლოდ რიგით მესამე წინადადებას გაუგზავნიან, რომელიც სატრანსფეროდ 93 მილიონ დოლარს ითვალისწინებს (80მლნ ევროში).

იწერება ისიც, რომ ლუის დიასი ბაიერნში ხელფასის სახით 14 მილიონ ევროს აიღებს, რაც, სხვათა შორის, იმაზე მეტია, ვიდრე მაიკლ ოლისე (13.5მლნ) იღებს.

აქვე გეტყვით იმასაც, რომ ამ მომენტისთვის ბაიერნის ნომერ პირველი პრიორიტეტი სწორედ ლუის დიასია, მასში გადახდილმა უზარმაზარმა თანხამ კი შესაძლოა ნიკ ვოლტემადეს ტრანსფერს პრობლემა შეუქმნას.