სლოტი ადასტურებს - ბაიერნი ლუის დიასს ხელიდან აღარ გაუშვებს

ბოლო პერიოდში ლუის დიასისა და ბაიერნის კავშირის შესახებ ძალიან ბევრი იწერება და ფაქტი, რომ გერმანული კლუბი კოლუმბიელი ვინგერითაა დაინტერესებული, თავად არნე სლოტმაც დაადასტურა.

ლივერპულის მწვრთნელმა თქვა, რომ დიასი ჯერჯერობით ისევ ინგლისშია და ვარჯიშს აგრძელებს, სამომავლოდ კი, ცხადია, ბევრი რამის შეცვლა შეიძლება.

ბაიერნის მესამე წინადადება 70-80 მილიონი ევროს ფარგლებში უნდა გაკეთდეს (ზოგი წყაროს თქმით, უკვე გაკეთდა კიდეც), რასაც, სავარაუდოდ ლივერპული მწვანე შუქს აუნთებს.

სხვათა შორის, დღეს გამართულ ამხანაგურ შეხვედრაში სლოტმა დიასი არ ათამაშა, არადა ნიდერლანდელმა შანსი აბსოლუტურად ყველა მოთამაშეს მისცა.

ნიშნავს ეს კარის საბოლოო მოხურვას? - ალბათ, ნიშნავს, თუმცა ჯერ მაინც მოცდაა საჭირო.