დედლაინი დასახელდა - შტუტგარტის ვადა ბაიერნს ვოლტემადეს ტრანსფერისთვის

Bild-ის ინფორმაციით, შტუტგარტის ხელმძღვანელობა აპირებს, რომ მიუნხენის ბაიერნს ნიკ ვოლტემადეს თაობაზე საბოლოო დედლაინი წარუდგინოს.

გამოცემა წერს, რომ შტუტგარტი ბაიერნს საბოლოო წინადადების გაკეთებისკენ 16 აგვისტომდე მოუწოდებს, ეს კი ის თარიღია, როდესაც კლუბები ერთმანეთს სუპერ თასის ფინალში შეხვდებიან.

როგორც ირკვევა, შტუტგარტს სურს, რომ ვოლტემადეს წასვლის შემთხვევაში ჩამნაცვლებელი მალევე მონახოს, რათა ახალი სეზონი საკადრო პრობლემებით არ დაიწყოს.

მაშ ასე, თუ აქამდე შტუტგარტი არ აპირებდა მოლაპარაკებებში ჩართვას, ბოლო დღეებში სიტუაცია შეცვლილია და ბაიერნს გასააქტიურებლად კარგი პლაცდარმი აქვს შექმნილი.